Tecnalia Korporazio Teknologikoa 2001ean jaiotako aliantza estrategiko bat da. Gaur egun, hauek osatzen dute: AZTI-Tecnalia, NEIKER-Tecnalia eta TECNALIA Research & Innovation.

Ikerkuntza eta Berrikuntza Teknologikoari buruzko VI. Kazetaritza Saria

Sariaren helburua da ikerketaren, berrikuntzaren eta garapen teknologikoaren ezagutza iritzi publikoan bultzatzen eta zabaltzen duten komunikabideetako (prentsa, irratia, telebista eta Interneteko) profesionalen lana sustatzea.

Gai hauei buruzko lanak aurkeztu dira:

1Garapen iraunkorra.

2Pertsonen osasuna eta bizitza-kalitatea.

3Baliabide naturalak zaintzea.

4Lehiakortasuna eta garapen teknologikoa.

5Gizarte digitalizatua.


2012ko Irabazleak

VI. Kazetaritza Sariak

Ikusi sari banaketaren sari banaketaren bideo laburpena eta VI. TECNALIA Kazetaritza Saria VI. TECNALIA Kazetaritza Sariaren argazki albuma.

 

Idatzizko Komunikabideen Kategoriako Saria

D. Fernando Goitiari,  “¿Exportar I+D?, sí podemos” (I+G esportatu? Bai, ahal dugu) erreportajeagatik. XL Semanal gehigarrian argitaratu zen lana, 2012ko otsailaren 26an.

Atzeraldia gorabehera (edo hark eraginda, agian), produktu berritzaileak esportatuz salmentak areagotzen ari diren sei enpresa espainiar ageri dira erreportajean.

Zazpi urteren buruan, 50 bat herrialdetan saltzea lortu dute. Plastikozko esekigailuak, DNAren txipak, izotz-pistak, energia sortzen duten beirak, aire puruzko burbuilak, euli-kanaberako arrantzarako ingeniaritza dira, besteak beste, produktu horietako batzuk.

Epaimahaiak azpimarratu duenez, “erreportaje horrek efektu onuragarria, eragilea, izan dezake gure industria-sarean (ETEez osatua, gehienbat), “I+G esportatzeko gai garela!” erakusten baitu.

Irrati-kategoriako saria

Eva Caballerok —Radio Euskadiko “La Mecánica del Caracol” saioaren zuzendaria eta esataria— jaso du saria. Egunero —lanegunetan—ematen da saioa, irratian, eta eitb.com-en webgunean ere entzungai egoten da.

Zientzia, teknologia eta historiaren dibulgazioa du xede programak (2010ean sortua), eta egunero entzuleei zerbait berria irakasten, zalantzak argitzen, mito irrazionalak uxatzen eta jakintza zientifikoa eta teknologikoa hedatzen saiatzen da.

Beste hau ere nabarmendu du epaimahaiak: “Programaren helburu nagusia da zientzia eta teknologia publiko orokorraren esku jartzea, erraz, zorrotz eta modu atseginean, eta bikain betetzen du. Aipatzekoa da, bestalde, programaren kolaboratzaile-sare zabala”.

Telebista-kategoriako saria

Telebista-atalean, Irene Vaquerizo, Cristina Moreno, Fernando Rodríguez, Santiago Aguilar, Ildefonso Urban, March Folch, Javier Mula eta Miguel Ortizentzat izan da saria,  “SMART CITY: Ciudades del Futuro” (SMART CITY, Etorkizuneko Hiriak) erreportajeagatik. TVEko 1. katean eman zen saioa, 2012ko otsailaren 11n, eta rtve.es-eko webgunean ere ikus daiteke.

Informe Semanal saioko talde bat Málagan, Bartzelonan eta Rivas Vaciamadriden ibili da. Izan ere, urteak daramatzate hiru hiri horietan azpiegiturak berritzen eta teknologia berriak aplikatzen.

Honenbestez, informazio zehatza du ikus-entzuleak Málagako energia-kudeaketa jasangarriaz, Rivas Vaciamadriden jarritako zuntz optikoaren eraginkortasunaz eta Bartzelonako Distrito @22 deritzon hiri-laborategiaz: smart cityen probaleku apartak, guztiak ere.

Epaimahaiak nabarmendu duenez, erreportajeak smart cityen alderdi nagusiak (teknologiaz baliatzea eta energiaren erabilera eraginkorra) jasotzen ditu, eta ulergarri bihurtzen herritar arruntarentzat, zeina gai baita bere eguneroko bizimoduaren kalitate-hobekuntzez ohartzeko.

Internet-kategoriako saria

Internet-kategoriako saria, berriz, Guillermo Roari  egokitu zaio, “Itxaropen bioartifiziala” erreportajeagatik, zeina aldizkaria.elhuyar.org webgunean argitaratu baitzen, 2012ko apirilaren 1ean.

Bikain erantzuten dio lan horrek galdera honi: “Giza organoak nahierara fabrikatzerik eta transplantatzerik ba ote?”.

Albiste ona: teorian, pazientearen beraren zelula amekin egin daitezke “bioartifizialak” deritzen organo horiek.  Albiste txarra: oraindik ere hastapenetan dago organo horiek garatzeko ikerkuntza, eta, ikertu ahala, oztopo ugari (gaindiezinak, zenbait) azaldu ohi dira.

Epaimahaiaren iritziz, dena, alderdi onak eta txarrak, zehatz, ulergarri eta entretenigarri bihurtuta ageri da lan honetan, zeinak, informazio multimediaz baliaturik, emaitza bikaina lortu duen. Horri esker, gehiago dakigu medikuntzan zelula amekin egiten den lanaz eta haren potentzialaz eta iguripenaz.

Bi aipamen berezi

- José A. Pérezek jaso du aipamenetako bat, “¿Modificación Genética?” (Aldaketa genetikoa?) erreportajeagatik. 2011ko urriaren 24an eman zuten lan hori, ETB2-ko Escépticos saioan, eta eitb.tv webgunean ere ikusgai dago.

José A. Pérezek sortu zuen Escépticos saioa, eta berak idazten eta zuzentzen du. Saritutako programak (“¿Modificación genética?”) argi eta xehe azaltzen du zer den eta nola egiten den eraldaketa genetikoa, eta ezabatu egiten ditu ikusleak ingeniaritza genetikoari buruz dauzkan aurreiritziak.

Epaimahaiak dioenez, lan honek bete egiten du baldintza, hots, berez zientzia eta teknologia interesatzen ez zaion ikusleari hurbildu egiten dizkio gai horiek, ikus-entzunezko lengoaia bizi eta koloretsu batez baliatuz, oso egokia telebistarako eta Interneterako.

- Beste aipamena, berriz, Rosa M. Tristáni eman diote, El Mundo egunkarian 2012ko maiatzaren 14an argitaratutako “La Ciencia, agente solidario de las hambrunas” erreportajeagatik.

Mila milioi gizon-emakumek baino gehiagok jasaten dute gosea munduan, batez ere Afrikan eta Asian. Goseteen ondorioak arintzen laguntzeko zientziak eta teknologiak zer ekarpen egiten duten erakusten du erreportajeak.

Epaimahaiaren iritziz, kalitate handiko kazetaritza-lana dugu hau, eta, horrez gain, ikuspegi berri bat dakarkigu zientziak eta teknologiak gosetearen aurkako borrokari egiten dioten ekarpenaz, eta adibide praktiko ugari eskaintzen dizkigu: satelite artifizialak, telekomunikazioa, ingeniaritza, genetika aplikatua, labore-sistema berriak…


Epaimahaia

Enpresa, hezkuntza, teknologia eta kazetaritzaren alorretako zenbait jende ezagunek osatu dute VI. Sari honetako epaimahaia:

Presidentea

  • José Ángel Sánchez Asiaín jauna, COTEC Fundazio presidentea

Idazkaria

  • Joseba Jauregizar jauna, TECNALIAko zuzendari nagusia

Batzordekideak

  • Javier Ormazabal jauna, TECNALIAko lehendakaria.
  • José Mª Echarri jauna, TECNALIAko Korporazio Teknologikoko ohorezko lehendakaria.
  • Iñaki Goiricelaya jauna, EHUko errektorea.
  • Txema Villate jauna, Innobasqueko zuzendari nagusia.
  • Iñaki Aretxabaleta jauna, Vocento taldeko zuzendari nagusia.
  • José Ignacio Arrieta jauna, Ingenieritza Enpresen Euskadiko Elkarteko (AVIC) presidentea.
  • Antonio Calvo jauna, Komunikazio Zientifikoko Espainiako Elkarteko (AECC) presidentea.

Kolaboratzaileak

Datuak Babesteko Legea

Datu Pertsonalak Babesteko abenduaren 13ko 15/1999 Lege Organikoan xedatutakoa dela eta, Tecnalia Fundazio Korporazio Teknologikoak jakinarazten dizu zure datuak Tecnalia Fundazio Korporazio Teknologikoak sortutako eta haren ardurapeko datu-basean sartuko dituela eta zuretzat interesgarriak izan daitezkeen produktu eta zerbitzuen inguruan informatzeko erabili ahal izango dituela. Halaber, Tecnalia Fundazio Korporazio Teknologikoan dagokion eskaria eginda, datu horietara sartzeko, horiek zuzentzeko eta ezeztatzeko eta horiei aurka egiteko duzun eskubideaz baliatu ahal izango duzu.

Zentro Teknologikoak

Agrolcamanager

AGROLCAMANAGER: software para la gestión ambiental sostenible en empresas agroalimentarias que permitirá analizar el ciclo de vida de sus productos con el fin de poder incidir en la mejora de la gestión del uso de recursos durante la fase de diseño y producción del producto, y contribuirá a reducir generación de residuos.

Irakurri gehiago →

ArmAssist

Se trata de un dispositivo portátil de bajo coste para la rehabilitación de las extremidades superiores en pacientes que hayan sufrido enfermedades neuromusculares o ictus.

Irakurri gehiago →

Aditivos Naturales

Proyecto centrado en la obtención de aditivos naturales no tóxicos a partir de subproductos hortofrutícolas.

Irakurri gehiago →
Proiektuak

Agrolcamanager

AGROLCAMANAGER: software para la gestión ambiental sostenible en empresas agroalimentarias que permitirá analizar el ciclo de vida de sus productos con el fin de poder incidir en la mejora de la gestión del uso de recursos durante la fase de diseño y producción del producto, y contribuirá a reducir generación de residuos.

Irakurri gehiago →

ArmAssist

Se trata de un dispositivo portátil de bajo coste para la rehabilitación de las extremidades superiores en pacientes que hayan sufrido enfermedades neuromusculares o ictus.

Irakurri gehiago →

Aditivos Naturales

Proyecto centrado en la obtención de aditivos naturales no tóxicos a partir de subproductos hortofrutícolas.

Irakurri gehiago →